19 Specialmenti custu friargiu Chi istat proendi a meraviglia. Sa littera a sa famiglia No est tardada a dd'arribai Ei dd'hanti fatta scrosai Ziu Peppi cun sa mulleri Ei dd'hanti pigau a plexeri Cuss'invitu de Pittanu; E chi de bonu mengianu Sarbadori siat innoi Po cumpari sa dì di hoi Cun bestimentu de lussu. ROSA Ddu cumprendu... fiat po cussu Chi circada de sinci andai!... Cumbenti.t a si ddu nai Giai chi ancora no ddu scidi. CICHEDDU Certamenti... ma si bidi In s'apposentu, e bestiu, Hoi si chi est beni puliu. SCENA QUARTA Cicheddu, Sarbadori e Rosa CICHEDDU Immoi si chi ses in gradu De cumpari cun sa genti...! SARBADORI Seu bestiu decentementi. ROSA Ses bestia in su stadu tun... CICHEDDU Hoi ti tainti su cuccù Calincunas bagadias, Cantamiddis poesias Dde alabanza e de strapazzu. SARBADORI Lassa stai ce gei du fazzu. CICHEDDU Prestu, Rosa, ch'est tard'ora.