51 De podit lassai su propriu maridu Po tenni partidu de prus aggradibili. Comenti est possibili mantenni is affettus Sempiri suggettus in su coru umanu Si scinti chi esti vanu finzas su giurai? 7 Si scinti chi est vanu, sighint in sa pratica De delittus gravis, odius, tradimentus. Po pagu chi pargiat femina simpatica, Po dda cunchistai committint a centus Falsus giuramentus, calunnias e frodis Tra zius e nebodis, e fradis i amigus. Cun issa is intrigus sempiri hant'a cresci Po podi arrenesci a dda divorziai. 8 Duncas su divorziu matrimoniali Distruit de is isposus su grandu destinu, Chi esti indessolubili po lei naturali E po positivu precettu divinu. In cuddu giardinu e bellu paradisu Intre su sorrisu de gentilis floris Is primus amoris di Adamu innocenti S'Altu Onnipotenti hat fattu germinai. 9 Fattu hat germinai s'eterna Sapienzia Affettus fecundus e dignius de sei. Adamu cun Eva in sa bella innocenzia Ddus hat isposaus su divinu Rei, Ponendi sa lei chi custu cuntrattu Legalmenti fattu non si sciollat prusu. Sendessiri duus ind'unu solu coru Sa cadena insoru non s'hat a truncai. 10 Non podit truncai terrenu poderi Su vinculu sacru, durabili e forti, Po finzas chi tanti a maridu e mulleri In vida mortali ddus tenit sa sorti. Solu cun sa morti de unu contraenti Su soprabiventi, si dd'est a plexeri, Atera mulleri, cun licitu affettu, Tenit su derettu de podi sposai. 11 De podi isposai senz'alguna duda, Si benit a morri innantis su maridu Tenit libertadi ancora sa viuda