Notizie di storia e vita ecclesiastica a Santu Lussurgiu § 2. GOSOS CUSTODITI PRESSO L'ARCHIVIO PARROCCHIALE DI SANTU LUSSURGIU. GOSOS DE SANTA RUGHE Fecund' arbure fiorida E misteriosa pianta Preziosa Rughe Santa Arbure d'eterna vida. Cust' est s' arbure feconda D'immensu infinitu amore Inue su Redentore Hat redemidu su mundu Salvende de su profondu S'umanidade affrigida. GOSOS DE N.S. DE BONARIA In d'una cascia per mare Arrivada a custa ia Gioia nostra singolare De Bonaria Ave maria. S'annu de s'era cristiana Milli e treghentos settanta De si perder meda accanta Pro una forte tramontana Sos marineris bettana In su golfo mercanzia. NANNA A GESUS (SU NINNIU) A su nascher de Gesusu Sas pupillas divinas Derraman perlas finas Teneramente. GOSOS DE SU CORO DE GESUSU Portentu de immensu amore De finesas prodigio su Gesus coro amorosu Infiamma su peccadore. Funtana vivificante D'eterna grazia tesoro De amore infinitu coro 'e vivas fiammas brillante isposu divinu amante dignu de supremu onore. GOSOS DE SANTU ZUSEPPE Platanu virde odorosu Cipressu tantu esaltadu Cedru divinu preziadu Zuseppe santu diciosu. Fiore soberanu lizu De su giardinu sagradu Biancu lizu traspiantadu De Davidde in fizu in fizu Fiore nadu cun disizu In custu mundu penosu. GOSOS DE SANTU PEDRU Fundamentu assiguradu De sa cattolica fide Sos chelos nos aperide Predu apostolu sagradu. In Betsaida naschesit Custa lumbrera maggiore De s' eternu risplendore Sagradas lughes apresit Chi Gesus lu elegesit Pro universale preladu. GOSOS DE N.S. DE SU CARMINE Virgo pura singualre Clara istella mattutina De su altu carmen reina Cherzeda pro nois pregare. Varios titulos Signora Bos desin mamma amorosa Sezis sole, luna, aurora Tottu bella e dilettosa 139