Sos duos amantes ROMANZA 1 Prite sutt'a-i cudd'umbrosu laru Lindoro si cunsumit in piantu? Morrer in ojos si lassat su caru Masone chi fit sempre giutu a bantu; Mustrat in totu chi no b'hat riparu A su dolore chi l'affliggit tantu; Tristu li ëssit da-e coro un'ohi, E cun boghe dolente isclamat goi: 2. - Chircat pisches in s'aera, Mirat chervos in su mare Chie pensat incontrare Una femina sinzera! Podes, ingrata Glicera, Su ch'affirm'eo negare?... 3. Sa femina senza posa Mudat boza e determinu: Est abe ch'andat continuû Da-e su lizu a sa rosa; Est fogliada mariposa, Ch'attrait ogni lumera... Podes, ingrata Glicera, Su ch'affirm'eo negare?... 4. Thapo sempre prereridu Fin mios sos gustos tuos; Fimus pesados che duos Picciones ind unu nidu: Sos annos hamos godidu Sempr'umpare in gioia vera… Podes, ingrata Glicera, Su ch'affirm'eo negare?... 5. Cando già fin in fiore Sas bramas tuas, sas mias, Mi lassas solu, t'avvias, No sind'hat piùs sentore... Su tou non fit amore, Fit neula passizera! Podes, ingrata Glicera, Su ch'affirm'eo negare?. 6. Tres dies t'hapo chircadu In badde, in monte, in totue; Ma de me ridias tue Cun s'amante fortunadu... E m’has goi abbandonadu Pro ch'in s'istante morzèra... Podes, ingrata Glicera, Su ch'affirm'eo negare?. Chircat pisches in s'aera, Mirat, chervos in su mare Chie pensat incontrare Una femina sinzera! - 7. Goi nende su miseru Lindoro Isbainat s'ülteddu e resinnadu Totu si che lu cravat in su coro: 8. Cadavere deforme, insambenadu Prezipitat a terra; su masone S'ispramminat belende ispasimadu... 9. Ahi, corzu! una van'apprensione T'hat potidu ättire a tal'ezzessu, T'hat post'in tanta disisperascione?... 10. Su tropp'amore azzegat su riflessu: Forsi Glicera tua est innozente, Forsi disgrascia manna li hat suzzessu, Forsi ti giamat dolorosamente! 11. De acutos lamentos risonat s'aera, Si velan sos buscos de immensa tristura: Pastores, pianghide sa bella Glicera, Sa sua lastimade fatale disaura! 12. Cun raspu costante, cun cura affannosa Nde l'ättin sos frades in lettu de sida... Ahi, mentres fit issa pro esser isposa Feroze silvone l'hat leadu sa vida! 13. Fit issa de anzones paschind'unu fiottu, Fit dulche cantende giocunda cantone, Cand'ecco su cane suppesat de bottu, Li tenet affacca s'astriadu silvone... 14. Terribile custu manizat s'iscaglia, Piùs furrida cuddu li dat s'istrazzada... Non durat a longu sa fiera battaglia: Ruet mortu su cane, Glicera est lantada! 15. Ainoghe! succursu! cun grande terrore Isclamat, e a currer si dat sa mischina; Ma fuind'a sa zega, pro istrobbu mazore, Da-'un'aspra ch'est ruta profunda raina!